Дани улсын засгийн газар өөрийн нутаг дэвсгэрт оршдог 200 гаруй арьс үсний фермийн 17 сая орчим булгыг бүгдийг нь нядлах шийдвэр гаргажээ.
Коронавирусийн мутацид орсон шинэ хувилбар булганаас хүнд халдсан нь тогтоогдсон тул ийм шийдвэр гаргаснаа тус улсын ерөнхий сайд Метте Фредериксен өчигдөр болсон хэвлэлийн хурлын үеэр тайлбарласан байна.
Дани улс нь булганы арьс нийлүүлэлтээр дэлхийд тэргүүлдэг. Аравдугаар сард тус улсад нэг сая гаруй булгыг заазалсан нь бас коронавирусийн халдвартай холбоотой байжээ.
Өнгөрсөн зун Испани улсад 100,000 орчим булгыг, дараа нь АНУ-ын Юта мужийн фермүүдэд олон мянган булгыг ижил шалтгаанаар устгаж байв.
Саяхан Дани улсад 12 хүнээс илэрсэн коронавирус нь булганы аж ахуйд тархсан вирустэй ижил төрлийнх байжээ.
“Булга үржүүлэх ажлыг үргэлжлүүлэх нь үндэсний хэмжээнд төдийгүй олон улсын хэмжээнд нийтийн эрүүл мэндийн томоохон эрсдэл болоод байна” гэж Дани улсын халдварт өвчин судлалын төвийн дэд захирал Каре Молбак өчигдөр болсон хэвлэлийн хурлын үеэр мэдэгдсэн байна.
Булганаас илэрсэн коронавирусийн хувилбарын талаар илүү дэлгэрэнгүй мэдээллийг Данийн засгийн газар одоогоор өгөөгүй байна.
Эх сурвалж: The Verge
