Цахим хөгжил, харилцаа холбооны сайдын 2023 оны 02 дугаар сарын 09-ний өдрийн А/09 тушаалаар Харилцаа холбооны тухай хуульд нэмэлт, өөрчлөлт оруулах тухай хуулийн төслийг боловсруулан салбарын байгууллагуудаас санал авахаар ЦХХХЯ-ны албан ёсны цахим хуудсанд байршуулаад байгаа билээ. Үүнтэй холбогдуулан 2024 оны 02 дугаар сарын 23-ны өдөр 10 цагаас Цахим хөгжил харилцаа холбооны Дэд сайд Ж.Эрхэмбаатар Монголын Бизнесийн Зөвлөлийн гишүүдэд Харилцаа холбооны тухай хуульд нэмэлт өөрчлөлт оруулах тухай хуулийн төслийг танилцуулж, хуулийн төсөлтэй холбоотой санал солилцох гэж байна. Энэхүү уулзалтад оролцсноор хуулийн төслийн үзэл баримтлал, зохицуулалт, нэмэлт өөрчлөлтийн талаар мэдээлэл авч хуулийн төсөлд саналаа хүргүүлэх боломжтой юм.
